ស្ត្រីក្លាហាន ជិះម៉ូតូដេញចាប់ជនសង្ស័យ ប្រគល់ឲ្យសមត្ថកិច្ច

ស្ត្រីក្លាហាន ជិះម៉ូតូដេញចាប់ជនសង្ស័យ ប្រគល់ឲ្យសមត្ថកិច្ច

កណ្ដាល មានករណីចោរឆក់ ត្រង់ចំណុចផ្លូវជាតិ លេខ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល នាថ្ងៃទី៩ ខែតុលា ឆ្នាំ២០១៩ វេលាម៉ោង ៨ និង ៤០នាទី។
ជនរងគ្រោះឈ្មោះ ស្រ៊ន សុផន ភេទស្រី អាយុ ៤១ ឆ្នាំ មុខរបរ លក់ដូរ រស់នៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល។
ជនសង្ស័យទី១/ឈ្មោះ ម៉ៅ ចាន់ណារ៉េត ភេទប្រុស អាយុ ២៧ ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល ភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល(ឃាត់ខ្លួន) និងទី២/ឈ្មោះ ម៉ៅ ភេទប្រុស អាយុ ២១ ឆ្នាំ មុខរបរមិនពិតប្រាកដ រស់នៅស្រុកស្អាង ខេត្តកណ្តាល (គេចខ្លួន)។
វត្ថុតាងដកហូតបាន៖
-ម៉ូតូម៉ាក yamaha Sirius ពណ៌ខ្មៅ ពាក់ស្លាកលេខ កំពង់ឆ្នាំង 1G-8158 ចំនួន ១គ្រឿង(របស់ជនសង្ស័យ) ។
-កាបូបដៃ ពណ៌ក្រហម ចំនួន១(របស់ជនរងគ្រោះ) ។
សម្ភារបាត់បង់៖ ប្រាក់ដុល្លារ ៣៧០$ ។

ដំណើររឿង៖ កាលពីវេលាកើតហេតុខាងលើ ជនរងគ្រោះ បានជិះម៉ូតូចេញពីផ្ទះទៅផ្សារតាខ្មៅ ពេលមកដល់ចំណុចខាងត្បូង
ស្តុបA9 ចម្ងាយប្រហែល ៥០ម៉ែត្រ ក៏ត្រូវជនសង្ស័យទាំង ២នាក់ខាងលើ ជិះម៉ូតូធ្វើសកម្មភាព ឆក់កាបូបលុយរបស់ជនរងគ្រោះ ដែលទុកនៅឃ្លុបម៉ូតូខាងមុខ ខណ:ឆក់បានហើយ ជនសង្ស័យក៏ដកលុយក្នុងកាបូបយកទាំង
អស់ និងបោះកាបូបនោះចោល រួចនាំគ្នាជិះគេចខ្លួន តែត្រូវជនរងគ្រោះជិះម៉ូតូដេញតាម ហើយស្រែកថាចោរៗ ភ្លាមនោះប្រជាពលរដ្ឋនាំគ្នាជួយដេញចាប់ឃាត់ខ្លួនបានម្នាក់ឈ្មោះ ម៉ៅ ចាន់ណារ៉េត ហៅ ព្រីង យកមកប្រគល់ជូនសមត្ថកិច្ចតែម្តង ។

ក្រោយកើតហេតុ សមត្ថកិច្ចបានឃាត់ខ្លួនជនសង្ស័យទៅប៉ុស្តិ៍នគរបាល ដើម្បីចាត់ការតាមនីតិវិធី។